132. ad Iuliam

Iuro per horrendae signa intemerata paludis;

      Iuro per ignivomi tela trisulca Iovis.

Iuro per intacta natum de virgine Christum;

      Iuro per angelici numina magna chori,

5

Quod te plus oculis, plus ipsa diligo vita,

      Et nihil in toto gratius orbe mihi est.

Si fallo, Titii carpant mea membra volucres;

      Tesiphone rapidum torreat igne iecur;

At si vera loquor, Veneris rogo numina supplex,

10

      Vt fruar amplexu nocte dieque tuo.