120. ad eundem

Mollia laurigeros cum pascant otia vates,

      Vnde tibi nomen cuspidis esse reor.

Quid tibi cum telo, quid cum Mavorte cruento?

      Cur premis Aonias cuspis acerba manus?

5

Te tractare decet cytharas, mordere labella,

      Virgineum lateri consociare latus.

Sed terebrare truci quia cuspide nocte puellas

      Diceris, et cunnis vulnera mille dare.

Centenoque licet tua cuspis saeviat ictu,

10

      Recta tumet, nullis languida vulneribus.

Hac furis, hac agitas cunctas sine fine puellas;

      Hinc tibi ab arrecta cuspide nomen inest.