117. Bernardo Perger, senatori regio

Sit licet obscurum densa caligine coelum,

      Aequoraque infestis exagitentur aquis.

Solvo tamen fragilem sterili de littore navem;

      Inscius, an portum, caecave saxa petam.

5

Tu dare turbati placidas potes aequoris undas,

      Naufragaque in tuto ponere membra loco.

Iam male nota regas tentantem caerula puppim,

      Aspiresque meis aura secunda viis.

Nostraque praecipiti celerantia lintea cursu

10

      Excipias placido, vir generose, sinu.