89. ad Matonem

Nomina causidici meruisti clara Matonis,

      Mato Maronaea saepe canende lyra.

Carolus ecce sacer iam concipit arma, virumque,

      Clarus es heroa laude superbe Mato.

5

Grammata, rhetoricam culte, lepide atque venuste

      Scripta geris, tardi haec arma Matonis erunt.

Victor es, heroum superas Mavortia bella,

      More Iovis portas tela trisulca Mato.

Arma quis haec vincat, quis nunc eat obvius illis?

10

      Ignea tela geris, Deucalione opus est.