47. ad Hieronymum Georgium Venetorum oratorem

Vt rutilat claro feralis crine cometes,

      Qui fera terribili nuntiat arma iuba;

Sic tua fama viget nullo violabilis aevo,

      Fama hyperionias praeteritura domos.

5

Gallia te novit, nec spernit Hybernia nomen

      Hieronymi, fulvi nec freta Santonici.

Te semotus amat nostra tellure Britanus,

      Et posita Eoo littore Taprobane.

Quod si vera tulit Samius, fovet umbra Catonis,

10

      Vel tua Pellei spiritus ossa ducis.