45. in Paulum piscatorem

Pauper eras (memini) Veneta piscator in urbe,

      Nigraque ab Aethiopo stigmata ducis avo.

Sed vaga sors lusit, Pario colis atria muro

      Structa, et centenus iugera taurus arat.

5

Pone tamen rigidos fastus, nec sanguine natum

      Patricio, aut prisca nobilitate putes.

Sors dare regna potest, gemmasque et fulva metalli

      Pondera, vile genus nobilitare nequit.