25. ad Hieronymum de Onico

Mollia Castalio nunc ducimus otia fonte,

      Et simul Aonio pellimus amne sitim.

Est tenerae amborum moderator Ripa iuventae,

      Nos pariter sacro nomine turba vocat.

5

Blanda tibi vox est, te lactea forma decorat,

      Blanda mihi vox est, claraque forma nitet.

Magnus es, haud parvo me corpore fata crearunt,

      Quae te progenuit, me quoque terra tulit.

Quaeque manent eadem nobis, distamus ab uno,

10

      Quum tu crudelis, quem sequor ipse, fugis.