5. ad Guillermum de Rupe forti

Docte Maronaeo Guillerme canende cothurno!

      Qui tibi de forti nomina rupe trahis;

Iam Thebana satis, satis et civilia noscis

      Bella! cothurnati pone Maronis opus.

5

Aspice nunc Balbi nova carmina, carmina nobis

      Imparibus dictat vecta Thalia rotis.

Mox graviore lyra (veniat modo serior aetas)

      Cantabo heroo bella cruenta pede.

Carminibus regum celebrantur facta, ducumque;

10

      Carmen amat, quisquis carmine digna facit.

Gaudet Tuscus eques Flacco, Caesarque Marone;

      Tu mihi Tuscus eques, tu mihi Caesar eris.