143. ad Lygdum

Non videas speculo, liquidis non, Lygde, sub undis

      Te moneo, quoniam pulcher es ipse nimis.

Te capiet tua forma, tuo miserabile ore

Ipse cades, inopem copia te faciet.

5

Denique te pictos ornabunt flore capillos

      Naiades et sertis limina sacra tuis.

Tunc ergo cum dulces risus, cum cogerer ora

Cogerer et vitam linquere, Lygde, meam.

Inspicias ne te moneo; nam mors tua multos

10

      Duceret ad vitae fata suprema suae.

Quamvis, si mortem mors posset vincere, numquam

Te fera Tartarei cerneret aula Iovis.