80. de bello Gallico

Quis nunc bella movet? Saevi gens aspera Rheni

      Quae potat liquidas vel Phaetontis aquas,

Non quia mortali tam strenua pectore virtus

Esse nequit, quaterent tanta nec arma viri,

5

Si iaculatur atrox hastam Germanus, iniqui

      Pondere tormenti fortius illa ferit,

Si saxum Gallus, ballistae turbine dices.

Hoc furit, hoc durum moenia frangit onus.

Non agitant urbes aliter feriuntque trahuntque

10

      Fluctibus et scopulis quam freta surda rates,

Spicula fulminei turres quam saeva tonantis,

Murmure cum magno stridet uterque polus,

Haec genus humanum superat vis, impetus, horror.

      Iratis certant Itala regna deis.