Panfilo Sasso epigrammaton libri 3, 72

Testo base di riferimento: M. Dussin, tesi di laurea Università degli Studi di Padova, 1987-88

Cura dell'edizione digitale: Ketty Peruch


72. de Bartholomeo Catanio suspenso

Quo mortale genus varii nos motus Olympi

      Fataque legitimo foedere certa trahunt!

Credere qui poterit? Longis iam debilis annis

      Vir bonus et nivea simplicitate probus,

5

Cum peteret patrios, Catanius, arva penates

      Parva sedens parvo Bartholomeus equo,

Et peram fato suspensam gutture ferret

      In qua fatalis sed ferus uncus erat;

Vncus erat patulo ducit quo pinguis aheno

10

      Et cocus et coctas uncta puella dapes.

Qui capulo quo curvus erat, velut ore tenaci,

      Astrinxit ramum munus, Iacche, tuum,

Parte trahens una miseri caput ora senique

      Quem celer opposita parte trahebat equus.

15

Tristia contractae tunc stupea vincula perae

      Guttura strinxerunt, Bartholomeae, tua.

Exanimen Stygias et te misere sub umbras

      Vincula non sed quae sydera cuncta regunt.

Libertas homini nulla est; quae vivere cogunt

20

      Cogunt nos eadem, credite, fata mori.