66. in Gallos

Gallus in humanos pugnat crudeliter hostes

      Vt lupus in placidas sanguinolentus oves;

Materno pueris non parcit ab ubere raptis

      Sed trahit hos saeva dilaceratque manu;

5

Audet et insontes gladio mactare puellas

      Crudelis, tumulum Pyrrhus ut ante patris,

Imbelles quos curva facit tremulosque senecta

      Saevus et in sanctos tela movere patres;

Et nostrum sitiens ut tigris acerba cruorem

10

      Gaudet cum madidam sanguine spargit humum.

Miraris forsan? Cybeles facit ista, furore

      Cuius ab insano nomina Gallus habet.