26. ad Faustinum Mazanum
de figura circuli

Nobilior quae sit, Faustine, figura

      Dignior ardenti pectore scire cupis.

Circulus est: coeli convexum cerne cacumen,

Orbe rotundato sydera quaeque micant.

5

Taliter ardentis currit rota flammea solis

      Taliter obscura Cynthia nocte micat.

Sufficit ista sibi, sese tenet, omnia claudit

Quae capit, haec tota est corporis una sui.

Deficiunt aliae; formas premit angulus omnes,

10

      Spargitur angustos destruit atque sinus.

Ergo sapis formae sequeris qui dona rotundae

Vt maneas: sed fac circulus ut maneat.