20. in Bombarderam

Forte petit summos dum Bombardera Penates

      Vt Phoebi radiis humida lina daret.

Astra timens coeli ne scandetur aurea, caelsis

      Praecipitem tectis hanc Venus alma dedit.

5

"An mea tecta coles? An te Mars noster amabit?

      An, me deposita, tu Venus", inquit, "eris?

Mortalem te disce meis sub viribus". Illa

      Decidit. O casus candida conditio!

Hoc decus est ingens; quid plus sibi foemina posset

10

      Quaerere quod Venerem reddere zelotypam?