12. de laudibus urbis Brixiae

Vrbem qui quaerit deceant quam nomina verae

      Vrbis et imperii fama, decus tituli,

Hanc petat, est quoniam glebis foecunda, metallis

      Fulva racemiferi nectare plena dei,

5

Vellere tecta suo quae murice tinxit, olivis

      Fertilis, armento laeta, beata grege,

Fontibus exundans vitreis, florentibus herbis

      Picta, croco, foelix sole, solo, Zephyris.

Pace proba, claemens, hilaris praestantibus armis

10

      Strenua, non una est Brixia, se superat,

Egreditur semet; regnum est, si munera quaeris,

      Vna est unius pectora si populi.