76. Petro Bravo
de aegrotatione Sylviae

Sylvia ferventi mea solvitur hemitritaeo,

      Pressa velut Geticae sole calente nives,

Aestuat et tumidis agitat praecordia venis,

      Exhalat nebulas tristis et ore graves,

5

Vincebant biferi quae picta rosaria Paesti

      Obscurat croceus pallida labra color,

Squallent ora situ, maties turpissima membrum

      Attenuat rabida corporis omne fame,

Non ornant crines niveae non tempora vittae,

10

      Candidulum pectus flammea nulla tegunt;

Ordine non recubat, nunc huc nunc volvitur illuc,

      Nec curam sancti casta pudoris habet.

Mactavi Cereris natae Stygioque tyranno

      Et taurum et nigras, religiosus, oves.

15

Fervet adhuc; vates, medicos, oracula divum

      Vt mea lux valeat, consule, Petre, rogo,

Si tibi cura mei est: uno nam vulnere ferret

      Flumine mors nigro sub Stygis unda duos.