63. Augustino Barbadico

Quis Romae dominos gentem superare tuetur

      Vnguibus et forti quam leo dente negat?

Quaeris opes? Auri quicquid Gangetica tellus,

Quicquid habent Hermi flumina, quicquid Tagi

5

Haec habet. Arma petis? Potuit domuisse feroces

      Illyricos, Parthos, Sauromatasque truces

Italiaeque omnis vires. Vis iura fidemque?

Et fidei celebrat iuris et ista decus.

Insignis populo, sancto veneranda senatu,

10

      Inclyta consiliis, religione pia

Omnibus his aequat Romam; sed magna potentis

Augusti superat principe regna suo.

Nam si magnanimus bello dux ille potensque

      Tutor erat pacis iustitiaeque pater,

15

Haec sibi non populo praestabat dona, sed iste

Non sibi sed populo quod facit omne facit.

Consulit, aedificat, pugnat, studet, auget alitque

      Pascit, amat, vivit denique pro populo.

Vi fuit ille deus, non libertatis amore,

20

Non sibi, sed patriae qui regit, ille regit.