49. Ioanni Matheo Averoldo

Pro te Tartarei peterem qui limina regis,

      E qua centimanus fulminat ore Gyges

Zancleaeque sinus Scyllae saevaeque Carybdis

      Qua pellunt fragiles aequora surda rates.

5

Me fugis: hoc scelus est, hoc ingens crimen. Amicum

      Et post te dicis vincere Pirithoum.

Non amat atque colit quisquis timet, invidit, odit:

      Redde vices Pyladi, te colo, te veneror.