31. de nomine Nogariae

Infaustum posuit tibi, saeva Nogaria, nomen

      Qui dudum vates maximus ille fuit.

Nam si tunc precibus sanctis delubra colebas

      Atque dabas summo mascula thura Iovi,

5

Te sceleri cumulare scelus te nigra videbat,

      Praecipites Herebi ferre sub antra gradus.

Implesti nomen, mortales perfida mactas

      Insontes, miseras ut lupus acer oves.

Nomine reque noces, caveas tamen improba; namque qui

10

      Sic nocet et sibimet est opus ut noceat.