28. Philomusio vati

Si peterem nummos preciosaque vasa Corinthi,

      Quas quoque dat vestes luxuriosa Tyros,

Deberes vestes preciosaque vasa Corinthi

      Et mihi purpureae mittere dona togae.

5

Foedus amicitiae iubet hoc. Iubet augur Apollo

      Cultores gemini verticis esse pios.

Nunc, cum verba petam, dic qua ratione negare

      Illa potes. Dices: "Et tibi verba dabo".

An mihi respondes sic? Non mihi te dare vates

10

      Verba peto, pro me verba referre peto.