Panfilo Sasso epigrammaton libri 2, 1

Testo base di riferimento: M. Dussin, tesi di laurea Università degli Studi di Padova, 1987-88

Cura dell'edizione digitale: Ketty Peruch


1. Paridi Caesareo

Ora Meduseis spectans crinita colubris

      In saxum versus ne liber hic rigeat,

Exue bellisonum doctae thoraca Minervae

      Et mea palladia carmina veste tege;

5

Aegide vel foveas: haec aegide scripta fovebis,

      Ire superba tuo si sinis auspicio.

"Haec bona sunt" dicent omnes "Paris ista probavit,

      Iudice quo Pallas est pulchrior Venere".