75. de eodem

Qui blandas potuit mortes, qui gaudia saeva

      Linquere consilii callidus arte sui,

Dulcia cantantes quae carmina saepe sorores

      Obvertunt captas sub freta nigra rates,

5

Pontani citharae teneri si carmen, Vlyxes,

      Sensisset, fidibus cum trahit arma suis,

Cum scopulos et saxa movet, cum flumina sistit,

      Vidisset numquam coniugis ora suae,

Vellet in aequoreas sed se cecidisse procellas

10

      Ob tam dulcisonae dulcia fila lyrae.