32. Iacobo Maffeo praetori Pischeriae

Non quod sis praetor multi cui iusta dedere

      Pisciferae pisces nomina laetor aquae,

Sed quod praetorem praetor te fecerit ille

      Omnia cui iustae foedere legis agit.

5

Praetorem magnae fecit te maximus urbis

      Cum dixit Marcus: "candide praetor eris".

Te minor aedilis, minor est te consul uterque;

      Muneribus tantis et tibi caedit eques.

Tu vere es praetor, nummis nec stemmate factus,

10

      Sed virtute tua, sed pietate ducis.