174. reverendissimo domino Ioanni de Picolominibus, Cardinali Senensi

Quod si Pontificum generosa e stirpe duorum;

      (Stemmata nam tecum iungit uterque Pius)

Hoc fatale tenes; nam fato nascitur iste

      Villicus; hic cerdo; regius ille puer.

5

At quod Pontificum sic aeques acta duorum,

      Clavibus ut demtis cetera sint paria,

Hoc virtutis opus; sed cum te moribus aequet

      Pontificum virtus, aequet et in solio.