23. ad Lazarinum Ariminensem Venetae militiae ductorem
Quantum Callimacho debet rex Attila, per quem
Est potis a tota posteritate legi,
Tantum Malatestae non ultima fama Ruberti,
Clare nepos, debet, o Lazarine, tibi.
5
Qui, ne blatta esset, desti impressoribus illum,
Vnde etiam possit cognitus esse magis.
Sic Geticum uates illustrat Apolline Martem,
Sic Clarii miles explicat ora dei.
Ergo pro meritis Daphnaeis praemia rami
10
Debet utrisque uiris magnus uterque decus.