Quinto Emiliano Cimbriaco uersus uarii, 6

Reference basis text: A. Benedetti, 1960-1963

Editing of the digital edition: S. Di Brazzano


6.

Heus tu, qui spectris oculos depascis inanis

      Picturae, huc Ciuis, seu peregrinus ades:

In qua spectatur qualis Iammeia Virgo,

      Virgo Dei Genitrix fertur ad astra Poli.

5

Scito etiam Salomes Raunachae gentis alumnae

      Non procul hinc pariis ossa subesse locis.

Haec ait emoriens: Coniux Federice ualeto:

      Dum tibi cara fui, Tu mihi carus eras.

Nunc alio me fata uocant: Tu Caesaris urbem

10

      Hanc regito, et cari pignora coniugii.

Postquam decedes, Lethaeos neglige fontes.

      Si nostrum amplexum quaeris, in Astra ueni.

Hoc igitur cara Durer pro coniuge fecit

      Argumentum ingens, et pietatis opus.