2. ad Oliverium Palladium, a. 1472

Altera iam redeunt vacuae suspiria mentis,

      Quaesita est oculis altera cura meis:

Hei mihi quam saevae surgunt in pectore flammae

      Impressumque novo vulnere vulnus hiat!

5

Non satis Evandri veterem liquisse suburram,

      Qua vinctus dominae regna superba tuli;

Non satis arctoi venisse ad frigora caeli,

      Nosset ubi Latium femina nulla virum:

Hic quoque languentes longo discrimine vires

10

      In sua purpureus bella citavit Amor.