12. Februarius

Februa post Ianum veniunt cito tempora nobis,

      Laetitiam nobis februa festa dabunt.

Altera lux mensis totum radiata per evum est.

      Qua tulit ad templum virgo serena deum.

5

Illuxit mihi clara dies duodena canenti,

      Qua doctor Patava factus in urbe fui,

Et referens grates nostro cum carmine Christo

      Tempus et hoc inter maxima festa cano.

Vndenaque die geminata mense sub isto

10

      Claviger in sacra sede triumphus erat.

Ter octava dies numero numerata sub isto

      Sortibus electum lux dabit ista novum

Ieiunique caput veneratur temporis ipsum,

      Quo sacer ad cinerem cuncta redire docet.