44. de Corvino glorioso

Omnia Corvinus noster se scire fatetur,

      Et probat exemplis omnia nosse suis.

Dives et antiqua ducit de stirpe parentes.

      Fastidit si qui nobilitate carent.

5

Virtutes canit ille suas aliena reprendens,

      Crimina et obducta fronte nefanda notat.

Sed melius nescisse fuit tanto quam parta labore

      Perdere tam fatua garrulitate sua.

Ergo erit is vates peteritque disertus haberi,

10

      Si nullum carpit, vel sua facta tacet.