17. ad Peregrinum Allium

Ne forte ignores ubi sim vel nescius erres,

      Accipe quae dicent carmina pauca tibi:

Inter tyrrhenas Florentia nobilis urbes

      Me genuit, nostrae hic gentis origo fuit;

5

Atque ubi sunt veteres sedem posuere penates

      Spirituae Classis non procul aede mei.

Sed non hac causa nobis responsa dedisti,

      Musa sed illoto venerat illa pede,

Et nimium petulans, quae se Permessidos unda

10

      Non prius abluerat, iam rapuisset iter.

Et nunc, castalio nondum perlota liquore,

      Tristia tam docti iudicis ora tremit.