10. ad Amerigum Corsinum
de fugiendo puerorum amore

Hoc est cur teneras sectaris, amice, puellas

      Et tua cur nullus pectora flexit Athis,

Scilicet umbrosae silvae te tristis imago

      Terruit horrendo vaticinata sono:

5

Vtatur siquis phrigii Ganimedis amore,

      Aeterno infelix igne cremandus erit.

Nunc quicumque sapit talem vitabit amorem.

      Heu quanta est illis poena parata viris!

Iudice Corsino moneo; vitate cinedos,

10

      Spurcius his nihil est nec capitale magis.