3. ad librum curiam florentinam petentem

Atria tyrrheni petis ambitiose leonis.

      Heu nimium sordent tecta paterna tibi!

Illic invenies multos, lascive, Catones,

      Illic tractantur seria, parve liber.

5

Quo properas, lascive? Mane, en non te pudet unde

      Cogeris nulla pulsus abire mora?

At me defendet Laurentius, inquis, amicus,

      Vt sperem gravibus posse placere viris,

Gloria magna mei fuit et tutela libelli

10

      Vatibus ausoniis semper amica domus.