25. in honorem beatae Annae,
matris sanctissimae Virginis Mariae

Ad tua, sancta parens, venio solemnia, vates;

      Divinus mundo crescat in ore sonus.

Virginis, Anna, parens, matrum sanctissima, salve,

      Cuius nostra salus orta Maria sinu est.

5

Tu nisi christiparam genuisses, Anna, Mariam,

      Clausa forent nobis limina celsa poli;

Tu nisi praesidium peperisses, Anna, Mariam,

      Quis non tartareis obrueretur aquis?

Haec plures nobis genuit foecunda Marias,

10

      Eclesiae primos quae peperere duces.

Haec matronalis decus immortale pudoris

      Extitit; haec illi sacra dicata dies.