24. epigramma in laudem Victoris,
Celsi, Nazarei martyrum

Martiribus tribus haec Christi celeberrima lux est:

      Victori et Celso Nazareoque sacra est,

Quos non flama nocens saevi nec blanda tyranni

      Flectere calliditas, nec potuere minae.

5

Instaret Decius quamvis horrentibus armis,

      Plus tamen eternum pertimuere Deum.

Corpora cuncta rapit durae inclementia mortis;

      Mens tamen eterna est solaque morte caret.

Vnde nec immerito tribuerunt corpora morti,

10

      Vt mens pura pias offerat ipsa preces.

Horum, Christicolae, tam clara exempla sequamur,

      Vt nos possimus regna videre Dei.