18. epigramma beati Remisii,
qui primus Galliam ad fidem Christi convertit

Remisii lux haec cunctis celeberrima Gallis

      Exoritur; claro luceat axe dies.

Hic simulachra Deum, hic errores depulit omnes,

      Hic docuit veri numina sancta Dei,

5

Vnxit et invicti Clodovei regis olivo

      Tempora, quod coelo missa columba tulit.

Quin hodie hoc oleo foelices Gallia reges

      Vngit; pontificis servat in aede sui.

Francorum reges Christi cognomen habere

10

      Propter Remisium commeruere suum.