14. in martyrio beati Ioannis Baptistae.
Contra sceleratum Herodem

Reginae incestus praecidit colla Ioannis,

      Quis erat in toto sanctius orbe nihil.

Belua crudelis, quo te scelerata cupido

      Impulit? Immanem vis superare patrem:

5

Vt psaltatrici, ne tu periuria rumpas,

      Des caput innocui, luxuriose, viri.

Iniustum cuicunque licet sine fraude negare,

      Pollicitus quanquam es nec sine teste Deo.

Non impune feres, immanis proditor: exul,

10

      Amisso regno, tecta aliena petes,

Impieque aeternas poenas sub Tartara solves,

      Cum patre sulphureis excruciandus aquis.

Elysios campos Christi praecursor adibit;

      Mox petet Impyrei flamea tecta poli.