30. omnis malus est servus, omnis bonus est liber

Esse cupis liber? Facile est: sine crimine vivas;

      Liberior quovis vivere rege potes.

Omnis nempe malus servus saevoque tyranno

      Paret, et alterius sub ditione manet.

5

Tot domini imperitant tibi, quot sunt crimina; duro

      Servitio misere qui tua colla prement.

Quis dubitat Cynicum magno praeponere regi?

      Extitit hic orbis victor, et ille sui.