18. orationis locus est templum Dei
et cor hominis puri

Templa, Dei sedes, ubi puris mentibus ores,

      Sunt sacra; nequitiae non locus aptus erit.

Lascivi ite procul iuvenes, procul ite, puellae;

      Respuit obscenos intemerata domus.

5

Fecistis Christi Eclesiam spelea latronum:

      Vos iterum eicient inde flagella Dei.

Templa Dei sunt corda hominum: sint pura, sine ullis

      Sordibus; odit enim sordida tecta Deus.

Demigrat, siquid rnaculae dephrenderit illic:

10

      Num quid cum tenebris lux habitare potest?