17. ad amicum, cur mortis hora ignoretur

Ne nostra assiduis quaterentur pectora curis,

      Mortis et instantis nos latet hora mali.

Ne pecudum vitam resides ageremus inertem,

      Intentos Christus nos vigilare iubet.

5

Mens pura expectet venientis iudicis horam;

      Heu, male diluitur funere prisca nota!

Non ergo ad seram deducas crimina mortem:

      Qualis vita fuit, mors tibi talis erit.