7. Quales esse debemus in sacro tempore ieiunii

Annua iam redeunt sacri ieiunia mensis:

      Sit mens pura mihi, sit mihi casta Venus.

Tristia nunc odia in dulcem vertantur amorem:

      Non est invidiae nequitiaeque locus.

5

Omne procul vitium nostro de pectore cedat;

      Sit tota aeterno mens operata Deo.

Non haeres aliter paradisique incola fies,

      Non aliter Christi regna videre potes.