6. contra ingratitudinem procerum,
quod, se reiecto, indigniores
et indoctiores elegerint in Curia

Curia me nuper renuit, quod carmine notus

      Altiloquo cantem tristia bella pede.

Heu, nocet auctori nascentis fama sonora

      Carliados: melius si tacuisset erat!

5

"At non hystoriam patriae sermone soluto

      Explicuit, cur nunc pulsus honore caret".

Quisque sui similes amat: ignorantia patrum

      Non curat natos erudiisse suos.

Gaudeo quod nostros non carpat Curia mores;

10

      Defendet partes Calliopea suas.