37. non debemus perscrutari arcana iudicia Dei,
murmurantes de foelicitate improborum

Quid quereris? Cur saepe negas mortalia curae

      Esse Deo? Videas cum mala multa bonis,

Attollique malos cernas in culmine rerum

      Depressosque bonos? Respicit ista Deus.

5

Vnde nefas tantum audaci prorumpit ab ore,

      Iudicium ut tentes, improbe, nosse dei?

Tu vilis vermis, tu parvus homuncio cum sis,

      Arcana inquires, ambitiose, Dei?