29. ad Christophorum Landinum,
poetam et rhetorem florentinum insignem

Insignis rhetor lingua, Landine, canora,

      Ceu patri debet nostra iuventa tibi.

Fidus es interpres vatum, Landine poeta;

      In dubio prosa promptior an ne pede es.

5

Explicuit nobis oscura volumina Danthis

      Eternaeque animae nobile fecit opus.

Explicuit Flaccum et magni figmenta Maronis,

      Et scripsit lyrico carmina multa pede,

Et teneros elegos scripsit de more Properti,

10

      Quis Sandrae nomen notius est Helene.

Pyeridum, Landine, decus, tibi Nestoris annos

      Exhibeat vacuis parca benigna colis.