26. de laudibus Danthis Aldigherii florentini,
poetae praeclarissimi

Quisquis inexpliciti divina volumina Danthis

      Pellegat, hoc dicet doctius esse nihil.

Quicquid Aristoteles, quicquid sacra pagina dicit

      Cantavit, tusco disposuitque pede.

5

Virgiliumque aequat, prisco nec cedit Homero,

      Et mathematicis ille vel ille minor.

Salve, tyrrheni decus immortale Leonis!

      Salve, pierii fama decusque chori!