40. contra illos qui cupiunt
omnia bona habere, exceptis virtutibus

Vxorem natosque bonos, bona praedia velles?

      Laudo. Bonae vestes et bona vina placent?

Cuncta bona exoptas, cum sis malus; hoccine monstrum est

      Quod tibi veste tua vilior esse velis?

5

Atria tota nitent, sine pulvere vestis et aurum est;

      Mens maculis squalet, mens sine honore iacet.

At soli sibi vilis homo est, sibi saevus et hostis,

      Qui nullam curam mentis habere velit.