34. quod spes est anchora fidei nostrae
adversus omnes tempestates

In medio pelagi vexatam turbine navim

      Spes validis vinclis anchora firma tenet,

Nec sinit avelli, saevus licet urgeat Eurus,

      Non tamen ut rapido devoret unda sinu.

5

Spes alit aflictos; Christi spe vivimus omnes,

      Nec peccatorem respuit ipse Deus:

Penituisse sat est lapsis, veterumque malorum

      Contrito veniam poscere corde iubet.