24. Deus est lux mundi, per quem cuncta lucent

Lux mundi Deus est, phoebea lampade maior;

      Omnis in hoc Christi lumine tutus eat,

Carpat iter tutum per mille pericula, Christi

      Dum cecas tenebras effugat alma dies,

5

Antea quam mortis tenebrae tua tempora velent:

      Tunc manet offenso quanta ruina pede!

Quod noceat, veteres "noctem" dixere Quirites;

      Ipse "dies" nomen fertur habere Dei.