16. qui Deum vult videre, sit mundus ab omni peccato

Qui cupit aeterni faciem spectare Tonantis,

      Corporis atque animi crimina cuncta lavet:

Non decet immundum quicquam pertingere purum,

      Destruit et nimius lumina nostra nitor.

5

Quippe Dei lux est phoebea lampade maior;

      Cernere vix potuit posteriora Moses.

Sed qui lotus erit, vitio quoque mundus ab omni,

      Huic fiet facies comspicienda Dei.