9. ad Ioannem Nesium,
quomodo a peccatis sit abstinendum

Siquis tartareas poenas et praemia coeli

      Cogitet, et vitae quam brevis hora volet,

Aut raro aut nunquam macularet crimine mentem,

      Nec brevibus sineret longa perire bona,

5

Sed veluti viso fugeret peccata colubro.

      Nec mirum: hoc animam, corpus at ille necat.

Nos, Nesi, miramur opes; nos blanda voluptas

      Instar brutorum ducit in omne nefas.