2. ad librum suum, ut indoctos et avaros fugiat,
et nisi tersus in lucem prodeat

Quo properas? Audi domini praecepta parumper,

      Tam longum ut possis carpere tutus iter.

Te nulli ostendes, ni te Permessidos undis

      Ablueris: terso tu prius ore nites.

5

Illita ne fuco meretricis tinxeris ora,

      Sed tibi nativus fulgeat ore color.

Indoctos fugias, nec tectum intrabis avari

      Hospitis; est cunctis hostis avara domus.

Quisquis erit doctus, nostro salvere iubeto

10

      Nomine, et illius tecta libenter adi.